WAZIRI MKUU AAGIZA TADB KUONGEZA UWEZO WA KUFADHILI

 




Na Mwandishi wetu

WAZIRI Mkuu ameagiza Benki ya Maendeleo ya Kilimo Tanzania (TADB) kuongeza uwezo wake wa kifedha ili iweze kufadhili kwa kiwango kikubwa zaidi sekta za kilimo, mifugo na uvuvi, akisema hatua hiyo ni muhimu katika kuongeza uzalishaji, kuimarisha usalama wa chakula na kuchochea ukuaji wa uchumi wa taifa.

Akizungumza baada ya kutembelea banda la TADB katika Maonesho ya Nanenane yanayoendelea mkoani Dodoma, Waziri Mkuu amesema benki hiyo imeendelea kuwa chombo muhimu cha Serikali katika kuwawezesha wakulima, wafugaji, wavuvi na wawekezaji kupitia utoaji wa mitaji kwa ajili ya shughuli za uzalishaji.

Amesema kufikiwa kwa malengo ya taifa ya kuongeza tija katika sekta ya kilimo kunategemea upatikanaji wa mitaji ya kutosha, hivyo kuna umuhimu wa kuendelea kuiwezesha TADB ili ikidhi mahitaji yanayoongezeka ya wadau wa sekta hizo.


Amesema kuwa Serikali haiwezi kutegemea ruzuku pekee katika kuendeleza kilimo, hivyo taasisi za kifedha zinapaswa kuwa nguzo muhimu ya uwekezaji kwa kuhakikisha wakulima, wafugaji na wavuvi wanapata mikopo kwa wakati na kwa masharti yanayowawezesha kuongeza uzalishaji.

Waziri Mkuu pia ameitaka  TADB kuongeza ufadhili wa ununuzi wa mbolea, pembejeo, zana za kisasa za kilimo na miradi ya kuongeza thamani ya mazao ili kuboresha ushindani wa bidhaa za Tanzania katika masoko ya ndani na nje ya nchi.

Aidha, ameitaka  benki hiyo kushirikiana na Wizara za Kilimo na Mifugo pamoja na TAMISEMI kuwekeza katika miundombinu ya baada ya mavuno, hususan ujenzi wa maghala ya kuhifadhi mazao, hatua itakayowezesha wakulima kutumia mazao yao kama dhamana kupitia Mfumo wa Stakabadhi za Ghala.

Kwa upande wake, Mkurugenzi Mwendeshaji wa TADB, Frank Nyabundege, amesema benki hiyo imeendelea kufadhili miradi ya kimkakati inayochochea maendeleo ya kilimo, mifugo na uvuvi, ikiwemo kutoa zaidi ya shilingi bilioni 700 kwa miradi ya umwagiliaji pamoja na kusaidia maendeleo ya zao la kahawa kupitia vyama vya ushirika vya mikoa ya Kagera na Kigoma.

Nyabundege amesema TADB pia imefadhili mradi wa kisasa wa ufugaji na uchakataji wa samaki uliopo Bagamoyo unaotumia teknolojia kutoka Misri.

Comments

Post a Comment

Popular posts from this blog

AWESO ARIDHISHWA NA WINGI WA MAJI RUVU JUU

Image
Na Mwandishi wetu WAZIRI wa maji Jumaa Aweso amekagua na kujiridhisha na wingi wa Maji yanayoingia katika Mtambo wa Maji Maji Ruvu Juu uliopo Wilaya ya Kibaha Mkoani Pwani  ikiwa ni ishara ya kuendelea kuimarika kwa huduma ya Maji. Jumaa Aweso amesema hatua hiyo ni jitihada zinazoendelea kutekelezwa na Serikali kupitia Wizara ya Maji na Taasisi za DAWASA na Bonde la Wami Ruvu za  kuhakikisha ana na upungufu wa huduma ya maji iliyojitokeza katika mikoa ya Dar Es Salaam na Pwani. "Nimeona kazi inayoendelea niseme kwa dhati nimefarijika na inanipa imani kubwa kwamba tutavuka salama katika kipindi hiki cha mpito, niwapongeze watu wa DAWASA,  Bonde la Wami Ruvu, vyombo vya ulinzi na Usalama pamoja na wadau wote wanaoshiriki kazi hii kuhakikisha inakamilika kwa wakati" ameeleza Waziri Aweso.  Aweso ameeleza kuwa maendeleo ya kazi hii ni hatua muhimu katika jitihada za kuwapatia huduma endelevu ya maji wananchi wa Dar Es Salaam na Pwani na kuendelea kuwaasa Wananchi  k...
Read more