AICC YAJIPANGA KUIMARISHA HUDUMA ZA MIKUTANO, YATOA WITO KWA WADAU KUJITOKEZA

 



Na Mwandishi Wetu

KITUO cha Kimataifa cha Mikutano cha Arusha (AICC) kimesema kimeendelea kuboresha miundombinu na huduma zake za mikutano, kikilenga kuwahudumia wadau wa ndani na wa kimataifa huku kikichangia kwa kiasi kikubwa pato la taifa.

Kauli hiyo imetolewa leo Septemba 26, 2025 na Ofisa Mawasiliano na Uhusiano wa AICC, Mourine Kaaya, wakati wa maonesho ya 22 ya Wahandisi yanayoendelea kufanyika katika viwanja vya Mlimani City, jijini Dar es Salaam.

Kaaya amesema kuwa pamoja na kuendesha mikutano ya kimataifa, AICC pia linatoa huduma kwa shughuli mbalimbali za kijamii kama harusi, semina, warsha na hafla nyingine, kupitia kumbi zake mbalimbali, ikiwemo Kituo cha Kimataifa cha Mikutano cha Julius Nyerere (JNICC).

“AICC imekuwa na mchango mkubwa katika pato la taifa, pia kwa wananchi mmoja mmoja kutokana na wageni wanaokuja kwenye kumbi hizi na kufanya mikutano, ambao huhitaji huduma nyingine kama malazi, usafiri na chakula,” amesema Kaaya.




Amesema huduma hizo zimekuwa zikinufaisha wakazi wa mikoa ya Dar es Salaam na Arusha, ambako ndiko yaliko makao makuu ya AICC na JNICC, kwa kuongeza kipato kupitia biashara ndogondogo na ajira zisizo rasmi.

Kaaya ameongeza kuwa kumbi hizo zimeendelea kuwa kivutio kutokana na mazingira ya kuvutia na miundombinu ya kisasa, hali inayowavutia wadau wengi wa sekta mbalimbali kuendesha shughuli zao katika maeneo hayo.


“Tunawakaribisha wadau wote kukodi kumbi zetu kwani hatujihusishi na mikutano ya kimataifa tu bali tunatoa huduma pia kwa mikutano ya ndani na shughuli mbalimbali za kijamii,” amesema.





Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more