OTHMAN MASOUD: UCHAGUZI WA OKTOBA 29 NI FURSA YA KUIKOMBOA ZANZIBAR

 





NA MWANDISHI WETU 

MKUTANO mkubwa wa kampeni za ACT Wazalendo umefanyika katika viwanja vya Mpapa, Wilaya ya Kati Unguja, ambapo maelfu ya wananchi walijitokeza kumuunga mkono Mgombea Urais wa Zanzibar kupitia chama hicho, Othman Masoud Othman huku Meneja wa kampeni Ismail Jussa akiibua sakata zito la ufisadi kwenye  ununuzi wa magari 150.

Akizungumza katika mkutano huo, Ismail Jussa, aliweka wazi sakata zito la ufisadi lililotokea mwaka 2023, ambapo Serikali ilihusishwa na ununuzi wa magari 150 kwa gharama ya shilingi bilioni 17 kupitia kampuni ya FK Motors kutoka Dar es Salaam.



Alifafanua kuwa kampuni hiyo haikuwa na uwezo wa kifedha na ilipewa mkopo wa shilingi bilioni 12 na Benki ya PBZ, kisha Serikali ya Zanzibar ikajidhamini yenyewe kupitia Wizara ya Nchi, Ofisi ya Rais.

Jussa alisema magari hayo hayakuwa mapya bali yaliyokwisha tumika, huku gharama halisi za ununuzi zikiongezewa na kodi ya VAT kutozwa kinyume cha sheria, fedha ambazo zilielekezwa kwa mtu mmoja pekee. “Huu ni ufisadi wa kutisha uliotengenezwa na watawala wachache kwa maslahi yao binafsi huku wananchi wakiendelea kubaki maskini,” alisema Jussa.

Aidha, aliongeza kuwa kwa miaka mitano ya utawala uliopo madarakani, Wazanzibari hawajafaidika na chochote cha maana.

Alisema  ahadi za ajira hazijatekelezwa huku vijana wakipumbazwa kwa maneno matupu.

 “Wanatuambia wataleta ajira laki tatu na hamsini wakati hata ahadi ya ajira laki tatu za awamu iliyopita haikutimizwa. Vijana wa Zanzibar hawahitaji kuendelea kudanganywa, wanahitaji misingi ya kielimu na ajira za kweli zitakazowajengea thamani,” alisisitiza.

Jussa pia alibainisha kuwa Serikali iliyopo madarakani imeongeza mshahara kwa shilingi elfu 50 pekee katika kipindi cha miaka mitano, huku wakiweka bima ya afya inayowakatia wafanyakazi shilingi elfu 80 kila mwezi, jambo ambalo limezidisha mzigo badala ya kuleta nafuu.

Kwa upande wake, Mgombea Urais wa ACT Wazalendo, Othman Masoud Othman, aliwaeleza wananchi kuwa uchaguzi wa Oktoba 29 ni wa kihistoria na wa kipekee, kwani utakuwa ni nafasi ya kuikomboa Zanzibar kutoka mikononi mwa dhulma na ufisadi wa watawala waliopo.

Uchaguzi huu ni wakuinusuru Zanzibar. Baada ya Wazanzibari kufaidika matunda ya Mapinduzi, sasa wanachofanyiwa ni kudhulumiwa kwa jina la Mapinduzi yenyewe. Afya bora, elimu bora, na maisha mazuri yalipaswa kuwa matunda ya Mapinduzi, lakini zaidi ya miaka 60 hali bado ni duni. 

Ni wakati wa Wazanzibari kufanya maamuzi magumu na sahihi kwa mustakabali wa kizazi kijacho,” alisema Othman kwa msisitizo.

Othman aliongeza kuwa katika miaka yote aliyohudumu Serikalini hajawahi kuhusishwa na kashfa yoyote ya kifisadi.

Alisema jambo pekee lililomfanya akosane na watawala ni msimamo wake wa kuitetea Zanzibar, akiamini kwa dhati kuwa nchi hiyo inapaswa kuwa huru na kujitawala bila kuburuzwa.

Katika hoja yenye uzito mkubwa, Othman alisema ni jambo la kusikitisha kuona wananchi wa Zanzibar wanaendelea kufanywa kama watumwa katika nchi yao wenyewe. Alieleza kuwa hali hiyo inatokana na uongozi usiojali maslahi ya wananchi, bali maslahi ya kikundi kidogo cha watu wachache wanaonufaika na utawala wa sasa.

Alisisitiza kuwa Wazanzibari wanapaswa kusimama kidete kudai heshima yao na kulinda utu wao, kwani hakuna mtu atakayeikomboa Zanzibar isipokuwa wananchi wenyewe kupitia kura zao.

Wananchi waliohudhuria mkutano huo pia walitoa maoni yao kwa nguvu kubwa za ushawishi.

 Asha Suleiman, mkazi wa Bungi, alisema: “Tumechoshwa na ahadi za uongo. Vijana wetu hawana ajira, kila siku ni umasikini. Tunamuona Othman Masoud kama tumaini jipya litakaloleta haki na maendeleo.”

Kwa upande wake, kijana Hamad Ali kutoka Kati alisema: “Serikali imekuwa ikituchezea kwa miaka mingi. Hatuwezi tena kukaa na kusubiri ajira za kuahidiwa.

Tunataka mabadiliko na ndio maana tumekuja kwa wingi kuunga mkono ACT Wazalendo.”

Naye Mzee Abdalla Hassan, mstaafu kutoka Jendele, aliongeza: “Baada ya Mapinduzi tuliamini tutapata maisha bora, lakini mpaka leo bado hali ni mbaya. Hii ni mara yetu ya mwisho kuikomboa Zanzibar na kurejesha heshima ya wananchi.”

Mkutano huo umeacha taswira kubwa ya hamasa na mshikamo wa wananchi, huku ACT Wazalendo ikionekana kupata mwamko mpya wa kisiasa kuelekea uchaguzi mkuu wa Oktoba 29.

Imetolewa na Idara ya Habari na Uenezi

ACT Wazalendo

24 Septemba 2025

Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more