RIDHIWANI KIKWETE AZINDUA KAMPENI KWA KISHINDO CHALINZE, AHIDI MAKUBWA

 


Na Mwandishi wetu 

MGOMBEA Ubunge Jimbo la Chalinze Wilaya ya Bagamoyo kupitia Chama Cha Mapinduzi (CCM) Mheshimiwa Ridhiwani Kikwete jana September 15, 2025 amezindua rasmi kampeni zake za Ubunge zilizofanyika uwanja wa Mdaula ambapo ameahidi kufanya makubwa ikiwemo utekelezaji wa Maji na Miundombinu.

Awali mgeni rasmi katika kampeni hizo, Mwenyekiti wa Umoja wa Wanawake Tanzania (UWT) Mkoa wa Pwani Zainabu Vullu ameweza kuwashukuru Wananchi wa Jimbo hilo kwa kujitokeza kwa wingi na amemuombea kura Rais Dkt. Samia Suluhu Hassan  huku akimuelezea kama Mwanadiplomasia mahiri duniani na ameahidi akichaguliwa kupitia ilani ya 2025-2030 atahakikisha anaboresha huduma za afya, elimu, miundombinu.

Aidha, Zainabu Vullu amemuelezea Ridhiwani Kikwete ni mchapakazi na mwenye uthubutu na kuwataka Wananchi wa Chalinze kujitokeza kwa wingi Oktoba 29 kumpa kura nyingi za Ndiyo, Mbunge Ridhiwan na Rais Samia Suluhu Hassan pamoja na Madiwani wote wa CCM.




Nae  Ridhiwani Kikwete amewashukuru wana Chalinze kwa namna ya kipekee ambapo amewahidi kukamilisha mambo mbalimbali katika kuendelea kuwatumikia hasa huduma ya maji kwa asilimia 100.

Ambapo amesema huduma ya maji itazifikia Kaya zaidi ya 300,000 kutoka kaya zaidi ya 90,000 kwa miaka mitano iliyopita ambapo maji yanapatikana kwa asilimia 92.

"Nikichaguliwa nitakabiliana na moja ya changamoto ya upatikanaji wa maji kwa kuwafikishia wananchi majumbani badala ya vioski na kuzifikia kaya hizo 300,000," amesema Ridhiwani Kikwete.

"Kwa upande wa miundombinu tutanunua greda kwa ajili ya kuchonga barabara na kujenga vituo vinne vya mabasi, ujenzi wa hoteli ya kisasa yenye hadhi ya nyota nne ambayo itakuwa na ukumbi wa mikutano kwa ajili ya kuongeza mapato," amesema Ridhiwani Kikwete.




Katika tukio hilo la uzinduzi,  Ridhiwani Kikwete ameweza pia kutangaza kikosi kazi cha kampeni zake ndani ya Jimbo, ikiwemo Kampeni Meneja wake, Mariamu Mkali, Halima Dossa na Haji Mgeni ambao watapita katika Jimbo hilo kuomba kura za ushindi kwa Mbunge, Rais na Madiwani.

Kwa upande wake Mratibu wa kampeni kanda ya Pwani Richard Kasesela amesema kuwa watu waliojiandikisha wahakikishe wanajitokeza kuwapigia kuwa wagombea wa CCM.



Mwenyekiti wa CCM Wilaya ya Bagamoyo Abubakar Mlawa amesema kuwa chama kimejipanga kuhakikisha Rais anapata kura za kishindo sambamba na Wabunge wa Jimbo la Chalinze Ridhiwani Kikwete na Bagamoyo Subira Mgalu na Madiwani wa Kata 15 za Chalinze.



Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more