SHEN MARATHON 2025 KUKWAMUA MTOTO WA KIKE KIELIMU




Na Mwandishi wetu, DAR ES SALAAM.

KATIKA juhudi za kumkomboa mtoto wa kike kiuchumi na kielimu, Chuo cha City Institute of Health cha jijini Dar es Salaam kimetangaza kuandaa mbio maalum za SHEN MARATHON 2025, zitakazofanyika Oktoba 25, 2025, katika viwanja vya Leaders Club.

Akizugumza na waandishi wa habari jijini Dar es Salaam leo Septemba 27, 2025, mwamuzi wa kike wa mpira wa miguu nchini, Elizabeth Ntungu, amesema kuwa lengo kuu la mbio hizo ni kuchangisha fedha kwa ajili ya kuwalipia ada wanaosomea kazi za afya ngazi ya Diploma, ambao wanakumbwa na changamoto za kifedha

"Tunatambua kuwa mtoto wa kike akipewa nafasi ya kusoma, analeta manufaa makubwa kwa jamii na taifa kwa ujumla. Ndiyo maana tumelenga kuwawezesha zaidi ya wasichana 100 wanaosomea fani za udaktari, uuguzi, ufamasia na kozi nyingine za afya," amesema Ntungu.


Amesema kuwa SHEN MARATHON 2025  ni harakati ya kuwekeza katika mustakabali wa taifa kwa kuwaelimisha wasichana ambao baadaye watakuwa sehemu ya nguvu kazi katika sekta ya afya.

Ntungu ambaye pia ni mwanzilishi wa SHEN MARATHON 2025 ametoa wito kwa wananchi wote, vikundi vya jogging, taasisi za umma na binafsi, watu maarufu pamoja na wadau mbalimbali wa maendeleo ya elimu na afya kujitokeza kwa wingi kushiriki au kuchangia kwa namna yoyote ile mbio hizo.

 "Tunawaomba Watanzania wote kwa ujumla wajitokeze kwa wingi kushiriki au kusaidia mbio hizi, ili kuhakikisha wasichana hawa wanatimiza ndoto zao na kuja kulitumikia Taifa kwa ufanisi," amesema.

Kwa upande wake, Balozi wa SHEN MARATHON 2025, Paschalia Silanda, amesema kuwa mbio hizo ni sehemu ya juhudi za kumsaidia mwanamke na msichana ambaye amekumbana na changamoto mbalimbali za kimaisha zikiwemo ukosefu wa ada na mazingira magumu ya kujifunza.


"Mwanamke ni mtu anayepitia changamoto nyingi katika jitihada za kujikwamua kiuchumi au kutimiza ndoto zake. Kupitia SHEN MARATHON 2025, ataweza kupata nafasi ya kurudi shuleni na kuijenga kesho yake," amesema Silamda.

Naye Mkuu wa Chuo cha City Institute of Health, Nuran Mwasha, amesema lengo kuu ni kuinua mtoto wa kike aliyekumbana na changamoto ya kushindwa kumaliza masomo kutokana na ukosefu wa ada.

 "Mbio hizi zimebeba ujumbe mkubwa wa matumaini kwa wasichana wengi waliokwama kielimu. Ushiriki wa kila mmoja wetu ni mchango katika mustakabali wa taifa," amesema Mwasha.


Naye Dkt. Mohamed Hamis, mdau wa soka na elimu, amesema kuwa SHEN MARATHON 2025 ni mbio za kwanza za aina yake ambazo kwa makusudi zimeelekezwa kumsaidia mtoto wa kike, akisisitiza kuwa kuwekeza kwa mwanamke ni sawa na kuwekeza kwa jamii nzima.



 "Ukimkomboa mwanamke, umeikomboa jamii nzima. Hii ni fursa adhimu kwa kila mmoja wetu kushiriki katika kuandika historia ya mafanikio ya wasichana nchini," amesisitiza Dkt. Hamis.









Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more