CHALAMILA: MABADILIKO YA TABIANCHI NI ADUI MPYA WA TAIFA




Asisitiza matumizi ya umeme wa kupikia kama suluhisho endelevu

Na Mwandishi wetu

MKUU wa Mkoa wa Dar es Salaam, Albert Chalamila, amesema kuwa ajenda ya matumizi ya nishati safi, hususani umeme katika shughuli za upishi, ni mpango mkubwa wa kitaifa unaolenga kukabiliana na changamoto za mabadiliko ya tabianchi ambayo sasa ni tishio kubwa kwa taifa.

Chalamila ametoa kauli hiyo mapema leo Octoba 9,2025jijini Dar es Salaam wakati akizindua  programu ya “Konekti Umeme, Pika kwa Umeme” iliyoandaliwa na Shirika la Umeme Tanzania (TANESCO) kwa kushirikiana na kampuni ya MEXI pamoja na wadau wa maendeleo kutoka Serikali ya Uingereza kupitia UKAID.

Amesema mabadiliko ya tabianchi yamesababisha ukosefu wa mvua, kuharibu vyanzo vya maji na umeme, na kuongeza magonjwa, njaa na ukame. Kwa mujibu wake, tatizo hilo haliwezi kushughulikiwa kwa silaha, bali kwa elimu na utekelezaji wa ajenda ya nishati safi.

"Zamani tulijua adui ni yule anayeweza kushikwa kwa bunduki, leo tunamgundua adui mkubwa zaidi ni mabadiliko ya tabianchi. Adui huyu halindwi kwa silaha bali kwa elimu na utekelezaji wa ajenda ya nishati safi,” amesema Chalamila.

Ameongeza kuwa Dar es Salaam ni soko kubwa la mkaa unaokatwa mikoani, hivyo wakazi wake wanapaswa kuwa mstari wa mbele kukataa matumizi ya nishati hiyo chafu ili kulinda mazingira na afya za vizazi vijavyo.

“Mkaa unakatwa mikoani, lakini soko lake ni Dar es Salaam. Mkisema hapana, biashara ya ukataji miti itakufa. Mkikumbatia nishati safi, mnaponya mazingira ya nchi,” amesema 

Katika hatua nyingine Chalamila aliipongeza TANESCO kwa kuanzisha mpango unaowawezesha wananchi kupata majiko ya umeme kwa mkopo kupitia bili zao za umeme, hatua aliyosema inatoa fursa kwa wananchi wengi zaidi kuachana na matumizi ya kuni na mkaa.

“Ajenda hii inalinda afya za kina mama wanaopika, inalinda ndoa, inalinda mazingira, na zaidi inalinda uchumi wa taifa,” amesema

Aidha aliwataka viongozi wa serikali za mitaa kushirikiana kikamilifu katika kuelimisha wananchi juu ya faida za matumizi ya nishati safi kwa mustakabali wa taifa, akisisitiza kuwa hili si suala la chama, kabila wala jinsia, bali ajenda ya kitaifa.

 “Leo ni TANESCO mtaani kwako, kesho ni wewe katika familia yako. Pika kwa umeme, linda afya yako, linda mazingira yako, linda amani ya taifa lako,” amesisitiza 

Awali Mkurugenzi Mtendaji wa TANESCO, Lazaro Twange, amesema shirika hilo limeanza kusambaza majiko ya umeme kwa mkopo siyo tu kwa wafanyakazi wake, bali sasa kwa wananchi wote kupitia mpango wa kulipa kidogo kidogo kupitia bili za umeme.

Twange amesema kuwa mpango huo umeondoa kikwazo cha gharama za awali na kufungua milango kwa kaya nyingi kuingia katika matumizi ya nishati safi ya kupikia.




Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more