DC MPOGOLO ATOA WITO KWA MADIWANI, WENYEVITI KUSHIRIKIANA NA TANESCO

 




Na Mwandishi Wetu

MKUU wa Wilaya ya Ilala, Edward Mpogolo, amewataka madiwani na wenyeviti wa serikali za mitaa kutoka Halmashauri za Manispaa za Ilala, Temeke na Kigamboni kushirikiana kikamilifu na Shirika la Umeme Tanzania (Tanesco), ikiwemo kulinda miundombinu ya umeme na kutoa elimu kwa wananchi kuhusu matumizi sahihi ya huduma hiyo.

Mpogolo alitoa wito huo jijini Dar es Salaam leo, Novemba 20, 2025, wakati akifungua kikao kazi kilichoandaliwa na  Tanesco kwa niaba ya Mkuu wa Mkoa wa Dar es Salaam, lengo likiwa kuimarisha ushirikiano baina ya shirika hilo na viongozi wa serikali za mitaa ili kuboresha upatikanaji wa huduma za umeme.

Amesema viongozi wa mitaa na madiwani ni kiungo muhimu kati ya serikali na wananchi, hivyo kupitia mafunzo hayo kutawasaidia kutatua changamoto za wananchi kwa uharaka na ufanisi zaidi.



“Kupitia viongozi hawa tunapata taarifa zote muhimu kutoka kwenye jamii. Nawapongeza kwa kuwa hawa ni viongozi wanaochaguliwa na wananchi, hivyo mafunzo haya yataongeza uelewa wao katika kushughulikia changamoto za umeme,” alisema.

Mpogolo amelipongeza Shirika la Tanesco kwa kuandaa mafunzo hayo na kuonesha mwelekeo mpya wa kuboresha huduma, akisema kikao kazi hicho kinatoa taswira ya kazi zinazotekelezwa na shirika hilo pamoja na mikakati ya kuongeza ufanisi na kuimarisha mawasiliano na wananchi.

Aidha, amesifu hatua ya Tanesco kuanzisha mfumo wa i-Konnect na namba maalum ya huduma 180, vilivyolenga kurahisisha upatikanaji wa huduma bila wananchi kulazimika kufika ofisini. 



Amepongeza pia maboresho ya mifumo ya mawasiliano ambayo imesaidia kuongeza uwazi na upatikanaji wa taarifa kwa wakati.

“Niwahakikishie Tanesco kwamba kupitia mnavyofanya leo, mtaongeza ufanisi na kuleta matokeo chanya kwa wananchi. Endeleeni kutoa elimu na kushirikiana kwa karibu na watendaji wa wilaya ili kuongeza tija katika utoaji wa huduma,” amesema

Kwa upande wake, Kaimu Mkurungezi wa Mawasiliano na Uhusiano wa umma Tanesco, Irene Gowelle, amesema mafunzo hayo ni sehemu ya mkakati mpana wa shirika huo wa kukuza ushirikiano na wadau wake, hususan viongozi wa kata na mitaa wanaofanya kazi kwa ukaribu na wananchi.

Amesema kikao kazi hicho kimeandaliwa ili kutoa taarifa kuhusu miradi mbalimbali ya umeme, kuimarisha mawasiliano na kuwaelimisha viongozi hao juu ya matumizi ya majiko ya umeme na umuhimu wa kulinda miundombinu ya shirika hilo.

“Tanesco inatambua nafasi ya viongozi wa mitaa katika kuhakikisha wananchi wanahudumiwa vizuri. Leo tutatoa mawasilisho kuhusu miradi ya umeme, umuhimu wa miundombinu ya shirika na maboresho tunayoyaendelea kufanya,” amesema Gowelle.

Ameongeza kuwa Tanesco imejidhatiti kuboresha huduma kwa kuimarisha mifumo ya mawasiliano, kuongeza njia mbadala za kupata huduma na kuwezesha wananchi kupata huduma kwa urahisi zaidi kupitia teknolojia.

Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more