NDEJEMBI ASISITIZA UTEKELEZAJI WA VIPAUMBELE VYA SERIKALI KUFIKIA 2030



Asema  siku mia moja za Rais ni dira ya kufikia malengo

Asisitiza ushirikiano baina ya watumishi na viongozi ndani ya Wizara ya Nishati


Na Mwandishi wetu

WAZIRI wa  Nishati  Deogratius Ndejembi  amewaagiza Watumishi wa Wizara hiyo kufanya kazi kwa bidii ili kutimiza Vipaumbele vya Serikali katika Sekta ya Nishati ikiwemo kufikia Megawati 8000 ifikapo 2030.

Ndejembi ameyasema hayo tarehe 18 Novemba 2025 wakati akizungumza na watumishi wa Wizara mara baada ya kuwasili Katika Wizara  Mji  wa Serikali Mtumba Jijini Dodoma. 

Amesema watumishi wa Wizara ya Nishati ndio watendaji wakuu na wenye dhamana ya kuhakikisha kwamba malengo ya Serikali yaliyowekwa yanatimia kwa kufanya kazi kwa bidii , kuwataka watumishi kuchambua kwa kina  hotuba ya Mhe   Rais ili kuweza kufikia vipaumbele kwa wakati  na kuyoa huduma bora kwa wananchi wa Tanzania.




Pia amesisitiza watumishi kutumia siku mia moja za  Rais kama kipimo na  kielelezo cha kutathmini uelekeo wa malengo ya Serikali.

“Sisi kama viongozi wenu tunategemea zaidi ushirikano kutoka kwenu ninyi wataalamu wa hapa Wizara ya Nishati  ili tuweze kukamilisha Vipaumbele vya Rais alivyoviweka katika sekta yetu  kwasababu tunatakiwa tuanze kwa kukimbia na sio kutembea“ amesema Ndejembi.




Naye Naibu Waziri wa  Nishati Salome Makamba amewataka watumishi kushirikiana kwa pamoja na viongozi wa Wizara hiyo ili kuendesha Sekta ya Nishati kwa pamoja, na kuongeza kuwa anatambua kwamba maswala mengi ya sekta ya Nishati yameshafanyika tayari mpaka sasa.

Amesema  Serikali imeshafikisha Megawat 4000 za kiwango cha kuzalisha Umeme, hivyo ni jukumu letu kukamilisha miradi iliyokuwa inaendelea na kuongeza vyanzo vingine vya uzalishaji umeme ili kufikia megawati 8,000 ifikapo 2030.




Kwa upande wake Katibu Mkuu wa Wizara ya Nishati  Felchesmi Mramba amewashukuru viongozi hao na amewataka watumishi wa Wizara ya Nishati kutoa ushirikiano kwa viongozi hao sambamba na kutekeleza majukumu yao kwa wakati ili kuweza kutekeleza Vipaumbele vya Mhe. Rais Samia Suluhu Hassan ifikapo mwaka 2030.







Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more