WAZIRI KAPINGA -FCC NI NGUZO MUHIMU YA KULINDA WALAJI NA KUDHIBITI BIDHAA BANDIA.

 




Na Mwandishi wetu

WAZIRI wa Viwanda na Biashara, Dkt. Judith Kapinga, amesema Tume ya Ushindani (FCC) ina mchango mkubwa katika mustakabali wa taifa hususan katika kulinda maslahi ya walaji na kudhibiti bidhaa bandia sokoni.

Akizungumza leo Novemba 24, 2025 jijini Dar es Salaam wakati wa ziara yake katika tume hiyo, Dkt. Kapinga amesema  lengo la ziara hiyo ni kuzungumza na watendaji wa FCC ili kuimarisha misingi ya utekelezaji wa majukumu ya wizara yake.

Amesema FCC imekuwa ikifanya kazi zake kwa ufanisi na mchango wake unaonekana katika jamii, hususan katika kudhibiti bidhaa zisizo na ubora na kusimamia ushindani wenye tija.


“Ziara yangu imelenga kuimarisha misingi iliyowekwa ili kuongeza ubora na ufanisi, kwani Watanzania wanaitegemea Wizara ya Viwanda na Biashara kupitia taasisi zake za udhibiti na uratibu, ikiwemo FCC ambayo imekuwa ikiboresha utendaji kazi ili kufikia mategemeo ya walaji,” amesema 

Aidha amesema kupitia kikao hicho wameweka mikakati mizuri ya kuboresha ufanisi pamoja na kuongeza ubunifu, ikiwemo kushirikiana na sekta binafsi katika kutekeleza majukumu yetu,” 

Pamoja na hayo, Dkt. Kapinga amesema  wizara yake itaendelea kuimarisha na kuongeza kongani za viwanda nchini, kwa kuwa viwanda vinachochea ajira, kuongeza mapato ya ndani na nje, na kuimarisha uchumi wa taifa.

Kwa upande wake, Mkurugenzi Mkuu wa FCC, Khadija Ngasongwa, amesema  tume hiyo iko katika hatua za mwisho za kuandaa Baraza la Kitaifa la Utetezi wa Walaji, ambalo litatoa jukwaa kwa wananchi kushiriki moja kwa moja katika kulinda na kusimamia haki zao za kibiashara.




Amesema  baraza hilo litakuwa na jukumu la kufuatilia mwenendo wa masoko, kushughulikia malalamiko ya walaji kwa wakati na kuhakikisha mazingira ya biashara yanabaki kuwa ya haki na yenye uadilifu.

Ngasongwa ameongeza kuwa uanzishwaji wa baraza hilo ni sehemu ya juhudi endelevu za FCC katika kuimarisha nidhamu ya ushindani na ulinzi wa walaji kwa kuhakikisha masoko yanafanya kazi kwa mujibu wa sheria na kanuni.

Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more