WAZIRI NDEJEMBI AHIMIZA WANANCHI KULINDA MIUNDOMBINU YA UMEME

 



Asisitiza utunzaji wa mazingira pamoja na vyanzo vya maji.

Asisitiza pia ulinzi na usalama wa miundombinu ya umeme.


 Na Mwandishi wetu

WAZIRI wa Nishati, Deogratius Ndejembi amewahimiza wananchi kuhakikisha ni jukumu la kila mwananchi kushiriki katika kuitunza na kuilinda   miundombinu ya umeme, ili kuepusha hasara kwa serikali na usumbufu wa huduma muhimu zinazotumia nishati ya umeme. 

Waziri Ndejembi amebainisha hayo Novemba 26,2025 wakati wa ziara yake ya kwanza ya kutembelea mradi wa bwawa la kufua umeme wa Julius Nyerere-JNHPP wa megawati 2115 Mkoani  Pwani, kwa lengo la kuona maendeleo ya   mradi huo. 

Akiwa katika ziara hiyo Mhe. Ndejembi amesisitiza pia utunzaji wa  mazingira na kuhifadhi vyanzo vya maji, ili kuhakikisha upatikanaji wa umeme wa muda mrefu.




“ Serikali imewekeza fedha nyingi takribani Shilingi trilioni 6.558 ili kuhakikisha watanzania wanapata umeme wa kutosha na wa uhakika wakati wote, hivyo tuone namna gani bora ya kulinda vyanzo vyetu tukishirikiana na TFS pamoja na TAWA, sambamba na kushirikiana na wizara nyingine kama Kilimo, maji pamoja na mifugo “ Alisema Ndejembi.

Aliongeza kuwa kwa kufaya hivyo tutaweza kuboresha na kutunza miundombinu hiyo bila kuathiriwa na shughuli za kibinadamu kwenye mradi huu, na kutunza vyanzo vya maji ili mradi uweze kudumu na kuendelea kupata umeme wa uhakika.

Aidha  Ndejembi amesisitiza suala zima la  ulinzi na usalama kwa  kuongeze nguvu katika ulinzi wa  miundombinu ya mradi wa JNHPP, huku akitoa wito kwa wakandarasi pamoja na viongozi  kujenga utaratibu imara wa ufuatiliaji kwa  kuwa mradi huo unatarajiwa kuongeza uzalishaji wa umeme  wa uhakika kwa kiwango kikubwa, hivyo kuimarisha uchumi wa nchi.




Kwa upande wake Mkurugenzi Mtendaji wa Shirika la Umeme Tanzania( TANESCO)  Lazaro Twange ameeleza kuwa mitambo ya uzalishaji umeme JHNPP imekamilika na imeanza  kuzalisha megawati 950 ambazo zinatosheleza mahitaji yaliyopo na hivyo  kupunguza Mgao wa umeme huku akieleza kuwa shirika linaendelea kujenga njia za kusambaza umeme ili kupeleka umeme wa uhakika kwa wananchi.

“Baada ya kukamilika kwa asilimia 100 ya ujenzi wa Bwawa la Kufua Umeme la Mwalimu Julius Nyerere (JNHPP), Serikali imehamishia nguvu kubwa katika ujenzi wa njia za kusafirisha umeme ili kuunganisha mikoa mbalimbali nchini”. Amehimiza Bw. Twange

Katika ziara hiyo Ndejembi ameambatana na Naibu Katibu Mkuu  Dkt. James Mataragio, pamoja na Wataalamu wengine wa wizara ya Nishati.

Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more