MBUNGE SHINGO KUSAIDIA VIJANA UKONGA MAFUNZO YA UDEREVA



Na Mwandishi Wetu

MBUNGE wa Jimbo la Ukonga, Bakari Shingo amesema yupo tayari kuwasaidia vijana wa jimbo hilo kwa kuwapatia mafunzo ya udereva wa bajaji na bodaboda, lengo likiwa kuwawezesha kupata ajira na kujikwamua kiuchumi.

Shingo ameyabainisha hayo jijini Dar es Salaam katika kikao cha Baraza la Madiwani kilicholenga kumchagua Mstahiki Meya wa Halmashauri ya Jiji la Dar es Salaam.

Shingo amesema mafunzo hayo yameanza Desemba 3, 2025 na tayari vijana zaidi ya 140 wameanza mafunzo hayo ya awamu ya kwanza.

Amesema mafunzo hayo yatatolewa kwa gharama za Mbunge na Mfuko wa Mbunge, yakilenga vijana wote wa Jimbo la Ukonga ambao hawana leseni au ujuzi wa udereva.

 “Tunahakikisha vijana wasiokuwa na leseni wanapata leseni, na wasiojua kabisa kuendesha wanapatiwa mafunzo. Lengo langu ni kuwafikia vijana kati ya 600 hadi 800,” amesema Shingo.


Aidha, Mbunge huyo ameahidi kushirikiana kwa karibu na Baraza la Madiwani pamoja na Mstahiki Meya mpya wa Jiji la Dar es Salaam, Nurdin Bilali Juma, katika kuleta maendeleo na kuboresha huduma kwa wananchi.

Katika kikao hicho, Mstahiki Meya Nurdin Bilali alichaguliwa kwa kura 48 za ndiyo kati ya kura 51 zilizopigwa, huku Naibu Meya, John Mrema, akipata kura 49 za ndiyo katika uchaguzi uliohusisha vyama vya CCM, Chauma na ACT-Wazalendo.

Mbunge Shingo alimpongeza Meya mpya kwa ushindi huo na kuahidi ushirikiano wenye tija kwa maendeleo ya jiji na ustawi wa wananchi.


Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more