ETDCO YAAHIDI KUKAMILISHA MRADI WA UMEME KATIKA VITONGOJI 372 RUVUMA KWA WAKATI

 



Mkuu wa Mkoa wa Ruvuma, Brigedia Jenerali Ahmed Ahmed (kushoto), akikabidhiwa nakala ya mkataba na Meneja wa Usimamizi wa Miradi ya Kusambaza Umeme wa REA, Mhandisi Deogratius Nagu, katika hafla ya makabidhiano ya utekelezaji wa mradi kati ya ETDCO na REA, iliyofanyika  Januari 3, 2026 Mkoani Ruvuma.


Na Mwandishi wetu

KAMPUNI ya Ujenzi na Ukarabati wa Miundombinu ya Usafirishaji na Usambazaji wa Umeme (ETDCO) imeahidi kukamilisha kwa wakati mradi wa kusambaza umeme katika vitongoji 372 wenye thamani ya shilingi bilioni 37.9, Mkoani Ruvuma.

Akizungumza katika hafla ya makabidhiano ya utekelezaji wa mradi huo kati ya ETDCO na Wakala wa Nishati Vijijini (REA), iliyofanyika  Januari 3, 2026 Mkoani Ruvuma, Mkuu wa Mkoa huo,  Brigedia Jenerali Ahmed Ahmed, ameitaka Kampuni ya ETDCO kuhakikisha mradi huo unakamilika kwa wakati katika wilaya za Mbinga na Nyasa.

Brigedia Jenerali Ahmed, amesema kuwa kukamilika kwa mradi huo kutachochea shughuli za maendeleo ya kijamii na kiuchumi katika Mkoa huo, huku akiwahimiza wananchi kujiandaa kuweka miundombinu ya umeme majumbani (wiring) ili waweze kuunganishwa na huduma hiyo mara baada ya mradi kukamilika.

“Ujio wa umeme huo utasaidia kukuza shughuli za kiuchumi na biashara katika maeneo husika,” amesema Kanali Ahmed.


Meneja Usamamizi wa Miradi ya Kusambaza Umeme REA, Mhandisi Deogratius Nagu, amesema kuwa mradi huo unatarajiwa kuwanufaisha wateja takribani 11,914 katika Wilaya za Mbinga na Nyasa.

Kwa upande wake, Kaimu Meneja Mkuu wa ETDCO, Mhandisi Richard Mwanja, ameishukuru Serikali kupitia Wakala wa Nishati Vijijini (REA) kwa kuipa ETDCO fursa ya kutekeleza mradi huo, huku akieleza kuwa Kampuni hiyo imejipanga kuhakikisha mradi unakamilika kwa wakati uliopangwa



Kaimu Meneja Mkuu wa ETDCO, Mhandisi Richard Mwanja, akiahidi utekelezaji wa mradi kwa wakati na kwa kuzingatia viwango, mbele ya Mkuu wa Mkoa wa Ruvuma, Mheshimiwa Brigedia Jenerali Ahmed Ahmed.

Msimamizi wa Mradi kutoka Shirika la Umeme Tanzania (TANESCO) Mkoa wa Ruvuma, Mhandisi Ali Pandit, amesema kuwa TANESCO imejipanga kuhakikisha miradi inakamilika kwa wakati ili huduma ya umeme inawafikia wananchi.

Kwa upande wao, Wananchi wa Mkoa wa Ruvuma wameipongeza Serikali kupitia REA kwa kuwaletea miradi ya kusambaza umeme katika vitongoji vyao, wakisema kuwa miradi hiyo itasaidia kuleta maendeleo ya kijamii na kiuchumi.





Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more