WAWEKEZAJI WAHIMIZWA KUWEKEZA VIWANDA VYA UCHENJUAJI MADINI SINGIDA

 




Na Mwandishi Wetu, Singida

WAWEKEZAJI wa ndani na nje ya Mkoa wa Singida wamehimizwa kujitokeza kuwekeza katika viwanda vya uchenjuaji na uongezaji thamani wa madini ili kunufaika na rasilimali zilizopo, kuongeza ajira na kukuza uchumi wa wananchi.

Wito huo umetolewa na Afisa Madini Mkazi wa Mkoa wa Singida, Mhandisi Sabai Nyansiri, akisema mkoa huo una fursa kubwa ya uwekezaji katika sekta ya madini kutokana na ongezeko la shughuli za uchimbaji na mazingira bora ya uwekezaji yaliyowekwa na Serikali.

Akizungumza wakati wa ziara yake kwa wachimbaji wadogo katika Mgodi wa Matongo uliopo Kata ya Ikungi, Wilaya ya Ikungi, Mhandisi Nyansiri amesema Singida inaendelea kufanya vizuri katika uchimbaji wa madini ya dhahabu, shaba, madini ya ujenzi pamoja na jasi, hivyo kuwepo kwa viwanda vya uchenjuaji ni hatua muhimu ya kuongeza thamani ya madini hayo kabla ya kuuzwa.




Amesema uwekezaji katika viwanda vya uongezaji thamani wa madini utaongeza ajira kwa vijana na wanawake, kuongeza mapato ya Serikali na kuchochea maendeleo ya kiuchumi kwa wananchi wa mkoa huo.

“Uwepo wa viwanda vya uchenjuaji na uongezaji thamani wa madini utaongeza ajira, mapato ya Serikali na kukuza uchumi wa kila mwananchi,” amesema.

Aidha, amesisitiza umuhimu wa kuimarisha masoko ya madini na kuendeleza biashara rasmi ya madini, akibainisha kuwa hatua hiyo imechangia kwa kiasi kikubwa ongezeko la mapato ya mkoa.




Ameeleza kuwa Mkoa wa Singida ulipangiwa kukusanya Shilingi Bilioni 30 kwa mwaka wa fedha 2025/2026, kutoka Shilingi Bilioni 24 mwaka wa fedha 2024/2025, na hadi kufikia Desemba 2025 tayari umefanikiwa kufikia asilimia 54 ya lengo hilo sawa na Shilingi Bilioni 16.

Mhandisi Nyansiri amesema mafanikio hayo yanatokana na juhudi za Serikali ya Awamu ya Sita chini ya uongozi wa Rais wa Jamhuri ya Muungano wa Tanzania, Dkt. Samia Suluhu Hassan, katika kuweka mazingira wezeshi ya uwekezaji na kutoa kipaumbele kwa wachimbaji wadogo wazawa.

Kwa upande wake, Meneja wa Mgodi wa Matongo, Japhet Madusa, ameishukuru Serikali kwa kutambua mchango wa wachimbaji wadogo katika maendeleo ya sekta ya madini na kuiomba iendelee kuwaweze

Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more