BODI ZA WADHAMINI ZATAKIWA KUWAJIBIKA ZAIDI






Na Mwandishi Wetu, 

WAZIRI wa Katiba na Sheria, Dk Juma Homera, ametaka wajumbe wa bodi za wadhamini nchini, kuzingatia sheria, uwajibikaji na uadilifu katika kusimamia mali za taasisi wanazoongoza.

Amesisitiza kuwa hatua hiyo ni msingi muhimu wa kuimarisha utawala bora na kuchochea maendeleo endelevu ya jamii.

Akifungua mkutano wa wajumbe wa bodi za wadhamini ulioandaliwa na Wakala wa Usajili, Ufilisi na Udhamini (RITA) ukikutanisha washiriki wa mikoa ya Ruvuma, Njombe, Mtwara na Lindi mjini hapa juzi, alisema bodi hizo zina jukumu kubwa la kusimamia na kulinda rasilimali kwa manufaa ya wanachama na jamii kwa ujumla.

Alisisitiza kuwa nafasi ya udhamini si heshima pekee, bali ni dhamana nzito inayohitaji uwajibikaji wa hali ya juu. 



“Ni wajibu wa kila mdhamini kuhakikisha mali za taasisi zinalindwa na kutumika kwa malengo kusudiwa, si kwa maslahi binafsi,” alisema.

Alibainisha kuwa licha ya uwepo wa sheria, kanuni na miongozo, baadhi ya bodi zinakabiliwa na changamoto za ubadhirifu wa mali, migogoro ya uongozi na kushindwa kuzingatia katiba zao. 

Alionya kuwa Serikali haitasita kuchukua hatua kali za kisheria, dhidi ya  watakaokiuka misingi ya utawala bora.



Katika kuimarisha utoaji huduma kwa wananchi, Waziri aliiagiza RITA kuongeza kasi ya maboresho ya mfumo wa kidijitali wa eRITA, ili uwe rafiki zaidi kwa watumiaji na kuanzisha huduma za mkoba, zitakazofikia wadau maeneo ya pembezoni.

Waziri Homera pia alipongeza mafanikio ya RITA katika utoaji vyeti vya kuzaliwa na vifo ndani ya saa 48 kupitia eRITA, ambapo takwimu zinaonesha asilimia 94 ya maombi yanakamilishwa ndani ya muda huo. 

Mafanikio hayo yalielezwa kuwa ni hatua kubwa katika kuboresha utoaji huduma kwa wananchi na kuongeza ufanisi wa taasisi.

Kabidhi Wasii Mkuu na Ofisa Mtendaji Mkuu wa RITA, Frank Kanyusi, alisema mkutano huo, wenye kaulimbiu ya ‘Uwajibikaji wa Bodi za Wadhamini kwa Ulinzi wa Mali za Taasisi na Maendeleo ya Jamii’, ni sehemu ya mkakati wa Wakala kuwajengea uwezo wajumbe wa bodi ili kutekeleza majukumu yao kwa ufanisi na kwa kuzingatia sheria, kanuni na miongozo.

Alisisitiza kuwa bodi zinapaswa kutekeleza majukumu yao kwa mujibu wa Sheria ya Usajili wa Bodi za Wadhamini Sura ya 318, ili kuhakikisha usimamizi bora wa mali na rasilimali za taasisi wanazosimamia.

Kanyusi alisema hadi Aprili mwakla huu, bodi 5,314 zimesajiliwa nchini, huku Ruvuma, Njombe, Mtwara na Lindi ikiwa na bodi 321.

Hata hivyo, alikiri kuwapo changamoto kadhaa, za welewa mdogo wa sheria, usimamizi usioridhisha wa mali na migogoro ya kiuongozi. 

“Changamoto hizi ndizo zilizotusukuma kuanzisha programu ya mafunzo kwa wadhamini nchini, ili kuhakikisha wanatekeleza majukumu yao kwa mujibu wa sheria na kanuni,” alisema.

Aliongeza kuwa RITA inaendelea kuboresha mifumo ya Teknolojia ya Habari na Mawasiliano (TEHAMA) na kufanyia marekebisho sheria husika, ili kuimarisha usimamizi wa bodi.

Mkutano huo ni sehemu ya chachu ya kuimarisha usimamizi wa bodi za wadhamini nchini, huku ukisisitiza misingi ya uwajibikaji, uwazi na ufanisi katika taasisi za umma na binafsi.

Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more