SERIKALI YAENDELEA KUIMARISHA MIFUMO YA AFYA KUKABILIANA NA MABADILIKO YA TABIANCHI






Na Hassan Kimweri, WAF - Dar es Salaam 

RAIS wa Jamhuri ya Muungano wa Tanzania, Dkt. Samia Suluhu Hassan, amesisitiza umuhimu wa kuimarisha mifumo ya afya duniani katika kukabiliana na changamoto zinazochangiwa na mabadiliko ya tabianchi, mabadiliko ya vipaumbele vya kimataifa, pamoja na maendeleo ya kisiasa na kiuchumi (geopolitics). 

Rais Dkt. Samia Suluhu Hassan amesema hayo leo Aprili 16, 2026 alipokuwa anafungua Mkutano wa pili wa kimataifa wa shirikisho la jumuiya ya madaktari  wa upasuaji wa ubongo, mgongo na mishipa ya fahamu uliofanyika katika ukumbi wa mikutano wa kimataifa Julius Nyerere, jijini Dar es Salaam.   

"Serikali ya Tanzania inaendelea kuchukua hatua za makusudi kuhakikisha sekta ya afya inakuwa endelevu na imara, tunahitaji nchi yetu kuimarisha ukusanyaji wa rasilimali za ndani pamoja na kutumia mbinu bunifu za ufadhili wa huduma za afya," amesema Rais Samia 




Aidha, Rais Samia amefafanua kuwa Tanzania imejipanga kuendelea kuimarisha huduma za afya kwa wote kupitia utekelezaji wa mpango wa bima ya afya kwa wote (Universal Health Coverage), sambamba na kuwekeza katika sekta ya tiba za kibingwa na bobezi, ikiwemo neurosurgery.

"Lakini pia, tnaendelea kuongeza uwekezaji katika maendeleo ya rasilimali watu kupitia mafunzo maalum, ufadhili wa masomo (scholarships), pamoja na ushirikiano wa kimataifa ili kuongeza idadi ya wataalamu wa upasuaji wa mishipa ya fahamu na taaluma nyingine za kibingwa," amesema Rais Samia 

Pia, ameeleza kuwa Serikali inaendelea kuboresha miundombinu na teknolojia ya afya kwa kujenga na kuimarisha hospitali za rufaa zenye vifaa vya kisasa vya uchunguzi wa mfumo wa fahamu, pamoja na kupanua huduma za tiba kwa njia ya mtandao (telemedicine). 

Amesema, vifaa vya telemedicine tayari vimeshasambazwa katika hospitali zote za rufaa za ngazi ya juu na za mikoa, hatua inayosaidia kuboresha upatikanaji wa huduma za kitaalamu kwa wagonjwa walioko maeneo pembezoni hususani vijijini .




Katika hotuba yake, Rais Samia pia ameeleza kuwa Serikali inaendelea kuimarisha mifumo ya ununuzi wa dawa na vifaa tiba kupitia Bohari ya Dawa (MSD) ili kupunguza gharama na kuongeza ufanisi. 

Akihitimisha hotuba yake,Rais Samia amesema, Tanzania itaendelea kushirikiana na wadau wa kimataifa katika kuimarisha huduma za neurosurgery na mifumo ya afya barani Afrika na duniani kwa ujumla, kabla ya kutangaza rasmi kufungua Mkutano wa Pili wa Kimataifa wa Neurosurgery wa World Federation of Neurosurgical Societies.

Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more