ACT Wazalendo YATANGAZA BARAZA KIVULI JIPYA

 




Na Mwandishi Wetu

CHAMA cha ACT Wazalendo kimetangaza rasmi Baraza Kivuli jipya la Mawaziri kwa kipindi kinachofuata baada ya Uchaguzi Mkuu wa mwaka 2025, kikisema hatua hiyo inalenga kuimarisha usimamizi wa Serikali na kuendelea kuwa sauti mbadala ya wananchi.

Akizungumza na waandishi wa habari Mei 18, 2026, Kiongozi wa ACT Wazalendo, Dorothy Semu alisema matokeo ya Uchaguzi Mkuu wa mwaka 2025 yameendelea kutoa uwakilishi mwembamba wa upinzani Bungeni, hali inayoongeza umuhimu wa vyama vya siasa kutumia mifumo mbadala ya kuisimamia Serikali, kuikosoa na kuibana ili iwajibike kwa wananchi.

Alisema chama hicho kitaendelea kutekeleza wajibu wake kama chama kinachoamini katika siasa za masuala kwa kuimarisha Baraza Kivuli lililoanzishwa rasmi kupitia Azimio la Halmashauri Kuu ya Taifa mwaka 2022.

Semu alisema azimio hilo lilimpa Kiongozi wa Chama mamlaka ya kuunda Baraza Kivuli kwa lengo la kuhakikisha wananchi wanaendelea kupata sauti mbadala yenye hoja na kuisimamia Serikali nje ya mhimili wa Bunge.

Aidha, alisema hili ni Baraza Kivuli la tatu tangu kupitishwa kwa azimio hilo mwaka 2022, akibainisha kuwa kwa kipindi cha miaka minne iliyopita chombo hicho kimekuwa nguzo muhimu katika kuibua changamoto za wananchi, kusukuma mijadala ya kitaifa kuhusu masuala ya msingi na kushawishi hatua mbalimbali za kisera na kiutendaji kutoka Serikalini.

Alieleza kuwa Baraza Kivuli hilo litakuwa tofauti na yaliyopita kwa kuwa mbali na kuwatumia wanachama wenye uwezo, uzoefu na weledi waliopo nje ya Bunge, pia litawahusisha wabunge waliopo Bungeni ili kupanua wigo wa usimamizi wa Serikali na kuimarisha ubora wa utendaji.

“Lengo letu ni kuhakikisha ACT Wazalendo inaendelea kuwa sauti imara ya wananchi ndani na nje ya vyombo rasmi vya dola,” alisema Semu.

Pamoja na hayo, alisema Baraza Kivuli hilo litasimamia uwajibikaji ndani ya Serikali na taasisi zake, akisisitiza kuwa taifa haliwezi kujengwa juu ya misingi ya kutowajibika, matumizi mabaya ya madaraka na ubadhirifu wa rasilimali za umma bila kuwepo sauti thabiti ya kuhoji na kusimamia maslahi ya wananchi.

Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more