MD TWANGE -UKOPESHAJI MAJIKO UMEME UMEFANIKIWA KWA ASILIMIA 90





Na Mwandishi Wetu

MKURUGENZI wa Shirika la Umeme Tanzania (TANESCO) Lazaro Twange amesema amemweleza Rais Dkt. Hussein Ali Mwinyi hatua zinazochukuliwa na shirika hilo katika kutekeleza mkakati wa nishati safi ya kupikia, ikiwemo utekelezaji wa mpango wa kukopesha majiko ya umeme kwa wananchi kupitia mfumo wa Bill Financing.

Twange amesema hayo wakati akizungumzia mambo muhimu aliyomueleza Rais Wa Zanzibar, Dkt Hussein Ali Mwinyi alipotembeleza banda hilo lililopo katika maonesho ya 50 ya biashara ya kimataifa maarufu kama Sabasaba.

Amesema mpango huo unawawezesha wateja wapya pamoja na waliopo kupata majiko ya umeme kwa mkopo na kulipa taratibu kupitia ununuzi wa umeme.



"Kwa sasa tuna mpango unaoitwa Bill Financing ambao unaendelea. Wateja wetu wapya na wale ambao tayari wanatumia umeme wanaweza kukopeshwa majiko na wakawa wanalipa mkopo wao kadri wanavyonunua umeme," amesema.

Amesema mpango huo umepata mwitikio mkubwa na kufikia mafanikio ya zaidi ya asilimia 90, hali iliyochochea TANESCO kushirikiana na sekta binafsi katika kuupanua.

Ameeleza kuwa tayari mikataba imesainiwa na wadau hao na kazi ya kukopesha majiko ya umeme kwa wananchi imeanza rasmi.

Pia ametoa wito kwa wananchi kutumia umeme kama nishati ya kupikia, akisema tayari watumiaji waliopo wameonesha kuwa ni nishati yenye gharama nafuu zaidi ikilinganishwa na nishati nyingine.

Katika hatua nyingine, Mkurugenzi huyo amesema pia amemweleza Rais Dkt. Mwinyi kuhusu maendeleo ya mradi mkubwa wa kujenga njia mpya za kusafirisha umeme kutoka Tanzania Bara kwenda Zanzibar.

Amesema mradi huo unahusisha ujenzi wa njia tatu za kusafirisha umeme chini ya bahari, zitakazotoka Dar es Salaam kwenda Unguja, Tanga kwenda Pemba pamoja na Tanzania Bara kwenda Mafia.

Amesema kukamilika kwa mradi huo kutaongeza uwezo wa kusafirisha umeme mwingi zaidi kwenda Zanzibar, hatua itakayokidhi ongezeko la mahitaji ya umeme kufuatia maendeleo makubwa ya ujenzi yaliyoshuhudiwa visiwani humo.

Comments

Post a Comment

Popular posts from this blog

WANAFUNZI WALIOMALIZA KIDIA SEKONDARI WACHANGIA UJENZI WA KANISA SH MILLION 20

Image
  Na Mwandishi Wetu WANAFUNZI waliomaliza kidato Cha nne mwaka 1995 katika shule ya sekondari Kidia iliyoko mkoani Kilimanjaro wamechangia zaidi ya sh mil 20 kwa ajili ya ujenzi wa Kanisa La  Kiinjili La Kiluther Tanzània (KKKT) usharika Wa Kidia. Wanafunzi  hao wametoa mchango huo kama shukrani na sadaka kwa Mungu kwa kuwawezesha kutumia usharika huo kwa kipindi chote walichosoma shuleni hapo lakini pia wakitumia usharika huo kwa shughuli mbalimbali  ikiwemo za kielimu na kiroho pia. Mchango huo wa ujenzi pamoja na Zawadi mbalimbali  ambao ni Sadaka ulikabidhiwa  kanisani hapo Agosti 10,2025  katika ibada iliyoongozwa na Mkuu wa pili Wa Jimbo La Kilimanjaro Kati ambaye pia ni Mchungaji Kiongozi Usharika Wa Majengo, ,Mchungaji Israel Moshi,akishirikiana na Mchungaji Kiongozi   Usharika Wa Kidia Mchungaji  Sayuni Shao pamoja na Mchungaji  Kiongozi  Usharika Wa Kirua  Mchungaji James Sambo. Akizungumza Mwenyekiti wa Umoja Wa...
Read more

VETA YAJIPANGA KUSHIRIKINA NA TOYOTA TANZANIA KUIMARISHA MAFUNZO YA UFUNDI MAGARI

Image
  Na Mwandishi wetu MAMLAKA ya Elimu na Mafunzo ya Ufundi Stadi (VETA) imepanga kushirikiana na Kampuni ya Toyota Tanzania Limited ili kuboresha mafunzo ya ufundi magari, hususan kwa wanafunzi wa vyuo vya VETA nchini. Hayo yamebainishwa  mapema leo Agosti 12,2025 katika ziara ya  Menejimenti ya VETA Makao Makuu ikiongozwa na Mkurugenzi Mkuu wa VETA, CPA Anthony Kasore, na kuwahusisha Menejimenti na wataalam kutoka VETA Makao Makuu, Mkurugenzi wa VETA Kanda ya Dar es Salaam, Mkuu wa Chuo cha VETA Dar es Salaam na walimu kutoka vyuo vya Dar es Salaam katika Ofisi za karakana za Toyota Tanzania Jijini Dar es salaam  CPA Kasore amesema lengo la ziara hiyo ni kujifunza kuhusu magari yanayofanywa na Toyota, teknolojia mpya sokoni, na namna inavyowawezesha mafundi kuwa mahiri katika kazi zao.  Pia amewekaka wazi dhamira ya VETA na Toyota katika kutoa mafunzo ya kusema umahiri kwa wakufunzi na wanafunzi wanaojifunza kupata na magari. “Magari ya Toyota yanatumika kwa kiw...
Read more

UJENZI WA BWAWA LA KUFUA UMEME LA MTO MALAGARASI , WAPIGA HATUA MPYA

Image
Mto wachepushwa ili kujenga tuta la kufulia Umeme Kasi yapamba moto kukamilisha Mradi Na Mwandishi wetu UJENZI wa Mradi wa Bwawa la kufua umeme kwa maji kupitia mto Malagarasi (MW49) umefikia hatua muhimu, kwa kuweza kuchepusha maji ya kwenye mto (kutengeneza njia ya maji) ili kuruhusu ujenzi wa Tuta kuu,litakalotumika katika kufua umeme. Akizungumza katika hafla fupi ya uchepushaji maji, Agosti 13,2025 Meneja wa Mradi Mha. Saidi Kimbanga amesema kuwa hatua hiyo ni muhimu katika utekelezaji wa mradi huo ambao kwa sasa ujenzi wa mradi umefikia kwa Asilimia 10, na unatarajia kukamilika mwanzoni kwa mwaka 2027. “Ujenzi wa mradi unaenda kwa kasi sana, uchepushaji maji ulitakiwa kufanyika tarehe 27, mwezi huu, lakini tumefanikisha zoezi hili leo, siku zaidi ya kumi nyuma, hivyo tunatarajia hata mradi utakamilika mapema zaidi” alisema Saidi Akizungumzia umuhimu wa uchepushaji maji, Saidi amesema kuwa maana nzima ya ujenzi wa Bwawa la kufua umeme unahitaji kuweza kudhibiti maji ili yaweze kup...
Read more